疫情失控，限聚令再次收緊，食店首當其衝，當中的「限制食客人數」、「全日禁止堂食」，對米芝蓮推介深夜食堂聚興家來說，猶如惡夢，劃破原本每晚熙熙攘攘、碰杯聲不絕的大廳。
創辦人兼總廚吳江橋向來極重視出菜品質，為了保持色香味俱全的中菜水準，一直拒售外賣，如今眼見一班廚房兄弟因疫症無奈要放無薪假，縱使隔著口罩，也可感到陣陣哀愁，「你唔開飯啲員工都要開飯（疫情至今）一個員工都無減過！全部都係拍檔，減邊個出去都係好難搵工，個個都有家庭。」橋哥眉頭心鎖地說道，他知道伙記要緊⋯伙記要緊⋯只希望能跟員工仝人平安度過這關，決定做外賣，仔細考慮，有不少菜式適合打包成外賣，新鮮鹽焗雞、白灼手切牛、酸菜斑、生炒骨、花甲蒸蛋⋯尤其上湯煎蝦米，米粉底可在出菜後半小時仍保持香脆、蝦肉依然爽彈鮮甜，上湯汁仍鮮甜綿滑。
上湯煎蝦米，是吳江橋的得意之作，亦充滿城中星級總廚對橋哥的關顧，「卅二公館李文星師傅次次落到嚟都提我脆啲脆啲，聽前輩的指點，盡量做到最好。一次比一次脆，結果脆無可脆。」他續說，煎米粉看似平平無奇，事實上大師傅能藉此看到廚師的功架。有些名廚試煎米粉不果，最後走入廚房跟橋哥交流做法，亦令這道菜贏盡口碑，難怪聚興家成為各路名廚的深夜食堂。吳師傅強調煎米粉必須以高溫半煎炸形式炮製，因只炸不煎，口感單調似米通；只煎不炸，米粉不斷吸油，油膩之餘，不香也不脆。至於蝦選海中蝦，因肉質較爽彈，味帶鮮甜。炸蝦時油溫務必掌控得宜，快炸約廿秒即撈起，蝦肉才會鮮甜彈牙。上湯汁，則以生滾湯手法熬煮，雞腳、雞頸、雞肉炒香食材後倒入清水慢煮成奶白色，胡椒調味，放入中蝦稍煮，蝦香流入湯汁，另下米粒，讓湯汁更濃稠綿密，吃時可像星級總廚般佐以紅酒，是一道香口、放涼也好吃的菜式。
聚興家
地址：旺角砵蘭街418號地下
電話：23929283
外賣優惠：即日至2020年8月30日，可以八折優惠 $288 購得上湯蝦煎米一客（原價$350）。需預早三小時預訂。
#外賣 #太子 #米芝蓮 #聚興家 #吳江橋 #限聚令 #上湯煎蝦米 #招牌菜 #星級名廚 #小店
==============================
土炮好片，馬上訂閱YouTube： http://bit.ly/2H7BpYW
==============================
如有各區好人好事、小店情味故事、本地攝影作品、社區有趣大小事等等，歡迎Inbox土炮報料，有機會在專頁上刊登！
卅二公館 優惠 在 Mott 32 | Hong Kong Hong Kong - Facebook 的美食出口停車場
今個中秋佳節，卅二公館為您帶來四款全新的月餅系列，每款月餅均以卅二公館經典招牌及本地風味為靈感， ... 於八月十五日前透過個人檔案的連結預定即可享有早鳥優惠。 ... <看更多>